LG TONE Free HBS-FN-7 Bluetooth стерео гарнитурасының нұсқаулығы

ЕСКЕРТПЕ: Ең жақсы өнімділікке қол жеткізу және гарнитураның зақымдалуын немесе дұрыс пайдаланбауын болдырмау үшін гарнитураны пайдаланбас бұрын барлық ақпаратты мұқият оқып шығыңыз.

Терілген қателерге немесе көрсетілген ақпараттың дәлсіздігіне байланысты осы нұсқаулыққа енгізілген кез келген өзгертулерді немесе түзетулерді тек LG Electronics Inc. ғана енгізе алады.

LG TONE Free (HBS-FN7) — Bluetooth технологиясын пайдаланатын жеңіл сымсыз гарнитура.

Бұл өнімді A2DP немесе Hands-Free Bluetooth профилін қолдайтын құрылғыларға арналған аудио керек-жабдық ретінде пайдалануға болады.

Қауіпсіздік шаралары

Төмендегі қауіпсіздік шаралары кез келген күтпеген оқиғаның немесе зақымданудың алдын алу үшін берілген. Қауіпсіздік шараларымен танысып шығыңыз.

Қауіпсіздік шаралары "ЕСКЕРТУ" және "АБАЙ БОЛЫҢЫЗ" болып бөлінеді.

Нұсқауларды орындамау ауыр жарақатқа немесе өлімге әкелуі мүмкін.

Нұсқауларды орындамау жеңіл жарақатқа немесе өнімнің зақымдалуына әкелуі мүмкін.

• Өнімді биік жерден құлатпаңыз.
• Өнімге судың, спирттің немесе бензолдың тиіп кетпеуін қадағалаңыз.
• Өнімді дымқыл немесе шаңды жерде сақтамаңыз.
• Өнімнің үстіне ауыр заттарды қоймаңыз.
• Бұл өнім IPX4 деңгейіне дейін су өткізбейді (күнделікті өмірде су өткізбейтін). (IPX4 су өткізбеу көрсеткіші тек құлаққап өніміне ғана қатысты.)
• Өнімді судың астына салмаңыз немесе оны ванна бөлмесі сияқты ылғалды жерде пайдаланбаңыз.

• Өнімді өз бетіңізше бөлшектемеңіз, реттемеңіз немесе жөндемеңіз.
• Өнімді шамадан тыс ыстыққа немесе жанғыш материалға жақын жерге қоймаңыз.
• Үйлесімсіз зарядтағыш пайдаланылса, өнім зақымдалуы мүмкін.
• Сәбидің немесе баланың магнитті немесе өнімнің кішкентай бөлігін жұтып қоймауына көз жеткізіңіз.
• Зарядтағыштың қосқыштарына (зарядтау порты мен қуат ашасы) бөгде заттардың кірмеуін қадағалаңыз. Олай етпеген жағдайда өрт немесе электр тогының соғуы болуы мүмкін.
• Егер сізде медициналық құрылғы имплантацияланған болса, осы құрылғыны пайдаланбас бұрын дәрігеріңізбен кеңесіңіз.
• Бұл өнімде кіріктірілген батарея бар және батареяны өз бетіңізше алып тастауға немесе ауыстыруға болмайды.
• Қауіпсіздігіңіз үшін өнімге кіріктірілген батареяны алмаңыз.
• Егер сіз батареяны өз бетіңізше ауыстырсаңыз немесе оны дұрыс ауыстырмасаңыз, ол жарылып кетуі мүмкін.
• Литий-ионды батарея — жарақатқа әкелуі мүмкін қауіпті компонент.
• Батареяны біліктілігі жоқ маман ауыстырса, құрылғыңыз зақымдалуы мүмкін.
• Батареяны өзіңіз ауыстырмаңыз. Батарея зақымдалып, қызып кетуі және жарақатқа әкелуі мүмкін. Батареяны уәкілетті қызмет көрсетуші провайдер ауыстыруы керек. Батарея тұрмыстық қалдықтардан бөлек қайта өңделуі немесе жойылуы керек.
• Батареяны өз бетіңізше тастамаңыз. Батареяларды тастаудың жергілікті тәртібін орындаңыз.
• Батареяны дұрыс емес түрімен ауыстырсаңыз, өрт немесе жарылыс қаупі бар.
• 11,6 кПа-дан төмен қысымда және 15000 м биіктіктен жоғары жерде сақтамаңыз немесе тасымалдамаңыз.
• Қорғанысты жоя алатын дұрыс емес түрімен батареяны ауыстыру (мысалы, кейбір литий батареяларының түрлерінде).
• Батареяны отқа немесе ыстық пешке тастау немесе батареяны механикалық түрде жаншу немесе кесу жарылысқа әкелуі мүмкін.
• Батареяны өте жоғары температуралы ортада қалдыру жарылысқа немесе жанғыш сұйықтықтың немесе газдың ағуына әкелуі мүмкін.
• Батарея өте төмен ауа қысымына ұшыраса, жарылысқа немесе жанғыш сұйықтықтың немесе газдың ағуына әкелуі мүмкін.
• Ескі батареяларды абайсызда тастамаңыз. Ол жарылысқа немесе өртке әкелуі мүмкін. Жою әдісі елге және аймаққа байланысты өзгеруі мүмкін. Оны тиісті түрде жойыңыз.

ЕСКЕРТПЕ

• Егер өнім шамадан тыс терге ұшыраса, өнімді тазалаңыз.
• Құлаққаптарды таза ұстаңыз.

HD динамигі

Егер сіз қосылып жатқан құрылғының байланыс желісі HD Voice Calling-ді қолдаса, сіз жоғары ажыратымдылықтағы дауыстық қоңырауларды шалып, музыка тыңдай аласыз.

Өнім құрамдас бөліктері

LG TONE Free™ Құлаққаптар (орташа құлаққа арналған гельдер орнатылған)
UV Зарядтау құтысы

Қосымша құлаққа арналған гельдер (кіші & үлкен)

USB Type C™ Зарядтау кабелі

Пайдаланушы нұсқаулығы

Кепілдік талоны

WEEE талоны

ЕСКЕРТПЕ: Нақты өнім дизайны нұсқаулықта көрсетілген суреттерден өзгеше болуы мүмкін.

LG Electronics түпнұсқа құрамдас бөліктерінің пайдаланылуын қадағалаңыз. Түпнұсқа емес құрамдас бөлікті пайдалану өнімді зақымдауы мүмкін және осылайша кепілдікті жояды. Өніммен бірге берілген USB Type C™ кабелін пайдаланыңыз.

Шолу

Зарядтау құтысы

1. Көңіл-күй шамы (Зарядтау құтысын ашқан кезде, көңіл-күй шамы жанады және өшеді.)
2. Зарядтау порты
3. UVnano LED
4. Зарядтау терминалдары
5. UVnano LED
6. Жұптастыру / Батареяны тексеру түймесі
7. UVnano индикаторы
8. Батарея күйінің индикаторы

Құлаққаптар

1. Микрофон
2. Динамик торы
3. Сенсорлық тақта
4. Зарядтау терминалдары
5. Микрофон

*Нақты өнімнің сыртқы түрі мен сипаттамалары үлгіге байланысты өзгеруі мүмкін.

Жұптастыру және қосу

Жылдам жұптастыру

1. Ұялы телефондағы немесе қосылатын құрылғыдағы Bluetooth функциясын қосыңыз.
2. Құлаққаптар құтыға орнатылған зарядтау құтысының қақпағын ашыңыз. Батарея күйінің көк шамы жыпылықтағанша жұптастыру түймесін 3-5 секунд басып тұрыңыз.
   
3. Ұялы телефон экранының жоғарғы жағында Fast Pair қосылу қалқымалы терезесі пайда болғанда, қосылу үшін оны түртіңіз. (Ол тек Android™ 6.0 немесе одан жоғары нұсқаларды қолдайды және ұялы құрылғының Bluetooth және орналасқан жер туралы ақпарат параметрлерін конфигурациялауды қажет етеді.)
4. Егер қалқымалы терезе пайда болмаса, ұялы телефондағы Bluetooth мәзірінен [LG HBS-FN7] таңдап, оны қосыңыз (iOS немесе Android 5.0 немесе одан төмен нұсқаларының пайдаланушылары үшін).
   

ЕСКЕРТПЕ: Басқа құрылғымен қосылу үшін жоғарыдағы процедураны қайталаңыз.

Bluetooth қосылған құрылғылар тізімінде LG HBS-FN7_LE қосылу үшін дұрыс үлгі атауы емес. Пайдаланылып жатқан үлгі атауын тексеріп, "LE" жоқ үлгі атауымен қосылыңыз.

Автоматты түрде қайта қосылу

Зарядтау құтысының қақпағын ашқан кезде құлаққаптар автоматты түрде қосылады. Егер сіз зарядтау құтысының қақпағын екі құлаққап зарядтау құтысына орнатылған күйде жапсаңыз, құлаққаптар ажыратылады.

Құлаққаптарды тағу

1. Құлаққаптарды зарядтау құтысынан бөліп, құлақтарыңызға ыңғайлы болуы үшін реттеңіз.
   
   ЕСКЕРТПЕ: Құлаққаптарды зарядтау құтысынан төмендегі суреттегі нүктелі сызығы бар бөлікті солға немесе оңға бұрап, құлаққаптарды көтеру арқылы оңай бөлуге болады.
2. Құлаққаптарды таққан кезде, сіз тағуды анықтау дабылын естисіз.
   

Музыканы ойнату

Функция	Сипаттамасы
Ойнату / Кідірту ("Play / Pause")	: Сол немесе оң жақ құлаққапты бір рет түртіңіз.
Дыбыс деңгейін реттеу	: Сол жақ (Дыбыс деңгейін азайту) немесе оң жақ (Дыбыс деңгейін арттыру) құлаққапты екі рет түртіңіз.
Келесіні ойнату	: Сол немесе оң жақ құлаққапты үш рет түртіңіз.

ЕСКЕРТПЕ: LG TONE Free қолданбасының сенсорлық тақта параметрлерінде функцияның жұмыс істеу әдісін өзгертуге болады.

Ұялы қоңырау шалу функциялары

Функция	Күйі	Сипаттамасы
Қоңырауларға жауап беру	Қоңырау шалу	Сол немесе оң жақ құлаққапты бір рет түртіңіз.
Қоңырауларды аяқтау	Сөйлесу	Сол немесе оң жақ құлаққапты екі рет түртіңіз.
Қоңырау шалу	Бос	Егер сіз ұялы телефонды пайдаланып қоңырау шалсаңыз, қоңырау автоматты түрде гарнитураға қосылады.
Телефонмен сөйлесіп тұрғанда қоңырауларды қабылдау	Сөйлесу	Егер сіз сол немесе оң жақ құлаққапты бір рет түртсеңіз, ағымдағы қоңырау күту режиміне өтеді және сіз кіріс қоңырауға жауап бере аласыз. Егер алдыңғы қоңырау күту режимінде болса, сіз ұялы телефондағы ағымдағы қоңырауды аяқтай аласыз. (Ол ұялы телефон параметрлеріне байланысты әртүрлі жұмыс істейді.)
Қоңырауларды қабылдамау	Қоңырау шалу	Сол немесе оң жақ құлаққапты басып тұрыңыз.

Қоршаған дыбысты тыңдау (LAS) / Белсенді шуды болдырмау (ANC)

Қоршаған дыбысты тыңдау (LAS)

Қоршаған дыбысты тыңдау (LAS) функциясы қоршаған ортаны және кез келген ықтимал қауіпті тану үшін қоршаған дыбысты тыңдауға мүмкіндік береді.

Белсенді шуды болдырмау (ANC)

Белсенді шуды болдырмау (ANC) функциясы кез келген қоршаған дыбысты бұғаттайды. Сондықтан, музыканы тыңдау немесе бейнені кедергісіз көру үшін функцияны пайдалануға болады.

ANC режимі мен LAS режимі арасында ауысу үшін сол немесе оң жақ құлаққапты басып тұрыңыз.

LG TONE Free қолданбасында LAS және ANC функцияларын орнатуға болады.

Егер сіз LAS немесе ANC функциясын пайдалансаңыз, батарея жылдам таусылып, өнімді пайдалану уақыты қысқарады.

LAS және ANC функцияларын бос тұрғанда, музыка тыңдағанда немесе телефонмен сөйлескенде пайдалануға болады.

ЕСКЕРТПЕ: ANC — Active Noise Cancellation (Белсенді шуды болдырмау) дегеннің аббревиатурасы.

LAS режимі қосылған кезде, сіз қоршаған дыбыстың кенеттен қатты шыққанын естуіңіз мүмкін. ANC функциясын сыртта пайдаланған кезде, қауіпсіздік үшін қоршаған ортаға назар аударыңыз.

UVnano

Зарядтау құтысында кіріктірілген UVnano LED бар, ол құлаққаптарды таза пайдалануға мүмкіндік береді.

Егер сіз құлаққаптарды зарядтау құтысына орнатып, қақпағын жапқаннан кейін сыммен зарядтасаңыз, UVnano LED 10 минут жұмыс істейді.

*UVnano — UV және оның бірлігі, нанометр сөздерінен алынған құрама сөз.

ЕСКЕРТПЕ:

• UVnano LED қосылып тұрғанда UVnano индикаторы көк түспен жанады.
• Зарядтау құтысындағы UVnano LED құлаққап тесігінің ішіндегі Staphylococcus aureus және Escherichia coli бактерияларының 99,9%-на дейін жояды.
• Ақ өнім жағдайында UVnano LED жанасатын жерінде түссіздену пайда болуы мүмкін, бірақ ол өнім функциясына әсер етпейді.
• Сымсыз зарядтау кезінде UVnano LED жанбайды.

UVnano LED қосылып тұрғанда құлаққаптардың температурасы көтерілуі мүмкін екенін ескеріңіз.

Зарядтау

Сымды зарядтау

Зарядтау кабелі қосылған кезде, зарядтау күйі зарядтау құтысында көрсетіледі.

ЕСКЕРТПЕ:

• Құлаққаптар мен зарядтау құтысы бір уақытта зарядталады.
• Зарядтау құтысындағы зарядтау портын ұялы телефондарға және т.б. қуат беру үшін пайдалануға болмайды.

Сымсыз зарядтау

Зарядтау құтысының төменгі ортасын сымсыз зарядтағыштың ортасымен туралаңыз.

ЕСКЕРТПЕ: Сымсыз зарядтағыш берілмейді. Сымсыз зарядтау функциясы кейбір сымсыз зарядтағыштарда жұмыс істемеуі мүмкін. Сымсыз зарядтау мүмкіндігі зарядтау құтысына аз қуат берілетіндіктен баяуырақ жылдамдықпен зарядтайды.

Батарея күйін тексеру

Егер құлаққаптар зарядтау құтысына салынған болса, құлаққаптардың батарея күйі көрсетіледі.

Әйтпесе, зарядтау құтысының батарея күйі көрсетіледі.

Егер құлаққаптар зарядтау құтысына қосылған кезде салынған болса, UVnano процесі он минутқа басталады.

Бұл процесс аяқталғаннан кейін зарядтау құтысының батарея күйі көрсетіледі.

Батарея күйі индикаторы	Қалған батарея (зарядтағыш қосылмаған)	Зарядтау күйі (зарядтағыш қосылған)
Қызыл	20% немесе одан төмен	Зарядталуда
Сары	20% - 80%	-
Жасыл	80% немесе одан жоғары	Толық зарядталған

ЕСКЕРТПЕ: Зарядтау құтысының қақпағы жабылған кезде, зарядтау құтысының батарея күйі көрсетіледі. Егер зарядтау құтысында заряд қалмаса, ешқандай дисплей болмайды және ол жұмыс істей алмайды. Құлаққаптарды дербес қосуға және өшіруге болмайтындықтан, зарядтау құтысын әрқашан зарядталған күйде ұстауды ұсынамыз.

Батарея күйі индикаторы

Күйі	Сипаттамасы
Bluetooth іздеу режимі	Батарея күйі индикаторы көк түспен жыпылықтайды.
Батарея 20%-дан төмен	Батарея күйі индикаторы қызыл түспен жанады және өшеді.
Батарея 20% - 80%	Батарея күйі индикаторы сары түспен жанады және өшеді.
Батарея 80% немесе одан көп	Батарея күйі индикаторы жасыл түспен жанады және өшеді.
Зарядтау кезінде мәселе туындағанда	Батарея күйі индикаторы қызыл түспен жыпылықтайды.
Зарядталуда (зарядтағыш қосылған)	Батарея күйі индикаторы қызыл түспен жанады.
Зарядтау аяқталды (зарядтағыш қосылған)	Батарея күйі индикаторы жасыл түспен жанады.

Қамту аясынан тыс

Егер өнімге қосылған құрылғы тиімді байланыс ауқымынан тыс болса, байланыс сигналы әлсірейді және байланыс үзіледі. Тиімді байланыс ауқымы қоршаған ортаға және басқа жағдайларға байланысты өзгеруі мүмкін.

Егер құрылғы тиімді байланыс ауқымына қайта оралса, өнім құрылғыға автоматты түрде қайта қосылады. Егер құрылғы автоматты түрде қайта қосылмаса, оларды қосу үшін сол немесе оң жақ құлаққапты бір рет түртіңіз.

LG TONE Free App

Егер сіз "LG TONE Free" қосымшасын орнатсаңыз, Құлаққап батареясын тексеру, Дауыстық ескерту, Эквалайзер режимін өзгерту, Соңғы қосылған орын туралы ақпаратты тексеру және Менің құлаққаптарымды табу функцияларын пайдалана аласыз. Қосымша мәліметтер алу үшін қосымшаны қараңыз.

"LG TONE Free" қосымшасын орнату үшін Google Play Store немесе App Store дүкенінде LG TONE Free іздеңіз немесе төмендегі QR кодын сканерлеңіз.

Ол Android 5.0 немесе одан жоғары және iOS 11 немесе одан жоғары нұсқаларын қолдайды.

Google Play

App Store

Ақаулықтарды жою

Өнімді пайдалану кезінде келесі белгілердің кез келгенін көрсеңіз, оны қайта тексеріңіз. Бұл ақаулық болмауы мүмкін.

Белгісі	Себебі және шешімі
Қуат қосылмайды	Батарея деңгейін тексеріп, оны зарядтаңыз.
Құлаққаптармен қоңырау шалу мүмкін болмаса	Егер ұялы телефон құлаққап пен hands-free функцияларын қолдамаса, қоңырау шалу мүмкіндіктерін пайдалана алмайсыз. Батарея деңгейін тексеріп, оны зарядтаңыз.
Құлаққаптарды ұялы телефонға тіркеу мүмкін болмаса	Құлаққаптардың қосылғанын тексеріңіз Құлаққаптардың зарядтау құтысы іздеу режимінде екенін тексеріңіз. Іздеу режиміне ауысу үшін зарядтау құтысындағы жұптастыру түймесін басыңыз.
Егер сіз құлаққаптарды ауыстырсаңыз немесе жұмыс істеуде мәселе туындаса	Құлаққаптарды зарядтау құтысына салыңыз және қақпағы ашық күйде жұптастыру түймесін 10 секунд немесе одан да көп басып тұрыңыз. Зауыттық қалпына келтіру зарядтау құтысындағы батарея күйі индикаторы қызыл түспен жыпылықтап тұрғанда жүреді. Зауыттық қалпына келтіруден кейін құрылғыны қайта қосыңыз.

Техникалық сипаттамалар мен мүмкіндіктер

Элемент	Түсініктемелер
Bluetooth техникалық сипаттамалары	V 5.0 (Құлаққап/Hands-Free/A2DP/AVRCP)
Батарея	Құлаққап: 3,7 V / 55 mAh, литий-ион Зарядтау құтысы: 3,7 V / 390 mAh, литий-ион
Музыка ойнату уақыты Құлаққаптар және Зарядтау құтысымен (ANC ON)	7 сағатқа дейін және 21 сағатқа дейін (5 сағатқа дейін / 15 сағатқа дейін)*
Зарядтау уақыты	Құлаққап: бір сағат ішінде / Зарядтау құтысы: 2 сағат ішінде Жылдам зарядтау: 60 минутқа дейін ойнату үшін 5 минут зарядтау ※Бөлме температурасында сыммен зарядтағанда
Номиналды кіріс кернеуі	Құлаққап: DC 5 V, 110 mA Зарядтау құтысы: DC 5 V, 500 mA
Жұмыс температурасы	0°C (+32°F) ~ +40°C (+104°F)
Өлшемдері (мм) / Салмағы (г)	Құлаққап: 16,2 мм (Е) X 32,7 мм (Ұ) X 26,8 мм (Б) / 5,6 г (Бір құлаққап) Зарядтау құтысы: 54,5 мм (Е) X 54,5 мм (Ұ) X 27,6 мм (Б) / 39 г
Жиілік диапазоны	2402 MHz - 2480 MHz
Шығыс қуаты (Макс.)	10 dBm

*Пайдалану ұзақтығы қосылған ұялы құрылғыға, пайдаланылатын мүмкіндіктерге, параметрлерге, сигнал күшіне, жұмыс температурасына, жиілік диапазонына және басқа пайдалану әдістеріне байланысты өзгеруі мүмкін.
Зарядтау құтысы сымсыз зарядтау құрылғысына, мысалы, төсенішке қойылған кезде жылдам зарядтау мүмкіндігі қолданылмайды.
Сымсыз зарядтау мүмкіндігі зарядтау құтысына аз қуат берілетіндіктен баяуырақ жылдамдықпен зарядтайды.

Сәйкестікті растау туралы декларация

СӘЙКЕСТІК ТУРАЛЫ ДЕКЛАРАЦИЯ:

Осы арқылы LG Electronics осы құлаққаптың радиожабдық түрінің 2014/53/EU директивасына сәйкес келетінін мәлімдейді. ЕО сәйкестік декларациясының толық мәтіні келесі интернет-мекенжайда қолжетімді: http://www.lg.com/global/declaration

Bluetooth^® — Bluetooth SIG, Inc. компаниясының бүкіл әлемде тіркелген сауда белгісі.

Android, Google Play, Google Play логотипі және басқа да қатысты белгілер мен логотиптер Google ЖШС компаниясының сауда белгілері болып табылады.

Қосымша ақпарат

1. Радиожиілік әсері
   Бұл Bluetooth LG стерео құлаққабы радио таратқыш және қабылдағыш болып табылады. Жұмыс істеп тұрғанда ол Bluetooth жабдықталған ұялы құрылғымен 2402-ден 2480 MHz жиілік диапазонындағы радиожиілік (RF) электромагниттік өрістерін (микротолқындарды) қабылдау және тарату арқылы байланысады. Сіздің Bluetooth құлаққабыңыз кез келген үйлесімді LG Electronics ұялы телефонымен пайдаланылған кезде ұлттық органдар мен халықаралық денсаулық сақтау ұйымдары белгілеген RF әсер ету нұсқаулары мен шектеулеріне сәйкес жұмыс істеуге арналған.
2. Bluetooth қосылымының сақтық шаралары
   Келесі орталар Bluetooth сигналдарының ауқымы мен қабылдануына әсер етеді:
   • Bluetooth құрылғысы мен қосылған құрылғы арасында қабырғалар, металл, адам денелері немесе басқа кедергілер болған кезде
   • 2,4 GHz жиілік сигналдарын (Сымсыз LAN, сымсыз телефондар, микротолқынды пештер және т.б.) пайдаланатын жабдық пайдаланылатын құрылғылардың жанына орналастырылған кезде
   • Ұялы телефоннан басқа Bluetooth құрылғысын (теледидар, ноутбук және т.б.) пайдаланған кезде дыбыс сапасына құрылғының техникалық сипаттамалары мен өнімділігі әсер етуі мүмкін
3. Ықтимал жарылғыш атмосфера
   Ықтимал жарылғыш атмосферасы бар кез келген аймақта электрондық құрылғыңызды өшіріңіз. Бұл сирек кездеседі, бірақ сіздің электрондық құрылғыңыз ұшқын шығаруы мүмкін. Мұндай аймақтардағы ұшқындар жарылысқа немесе өртке әкеліп, дене жарақатына немесе тіпті өлімге әкелуі мүмкін. Ықтимал жарылғыш атмосферасы бар аймақтар көбінесе анық белгіленеді, бірақ әрқашан емес.
4. Батарея туралы ақпарат
   Қайта зарядталатын батарея дұрыс күтім жасалса, ұзақ қызмет етеді. Жаңа батареяның немесе ұзақ уақыт пайдаланылмаған батареяның сыйымдылығы алғашқы бірнеше рет пайдаланғанда төмендеуі мүмкін. Батареяны +50°-тан жоғары немесе -10°-тан төмен температураға ұшыратпаңыз. Батареяның максималды сыйымдылығы үшін батареяны бөлме температурасында пайдаланыңыз. Егер батарея төмен температурада пайдаланылса, батареяның сыйымдылығы төмендейді. Батареяны тек 0° және +45° аралығындағы температурада зарядтауға болады.
   Қалдық батареялар мен аккумуляторларды жою (Тек кірістірілген батареясы бар өнім)
   • Егер бұл өнімде өнімнің ішіне кіріктірілген және соңғы пайдаланушылар оңай алып тастай алмайтын батарея болса, LG батареяны тек білікті мамандарға ғана ауыстыру немесе осы өнімнің қызмет ету мерзімі аяқталғаннан кейін қайта өңдеу үшін алып тастауды ұсынады. Өнімге зақым келтірмеу және өз қауіпсіздігі үшін пайдаланушылар батареяны алып тастауға тырыспауы керек және кеңес алу үшін LG қызмет көрсету желісіне немесе басқа тәуелсіз қызмет көрсетушілерге хабарласуы керек.
   • Батареяны алып тастау өнім корпусын бөлшектеуді, электр кабельдерін/контактілерін ажыратуды және мамандандырылған құралдарды пайдалана отырып, батарея ұяшығын мұқият шығаруды қамтиды. Егер сізге батареяны қауіпсіз түрде алып тастау туралы білікті мамандарға арналған нұсқаулар қажет болса, http://www.lge.com/global/sustainability/environment/take-back-recycling сайтына кіріңіз.
5. Bluetooth құлаққабындағы батареяны қайта өңдеу
   Bluetooth құлаққабындағы батарея дұрыс жойылуы керек және ешқашан қалалық қалдықтарға тасталмауы керек.

Қалдық батареяларды/аккумуляторларды жою

1. Бұл белгі сынапта (Hg), кадмийде (Cd) немесе қорғасында (Pb) химиялық белгілермен біріктірілуі мүмкін, егер батареяда сынаптың 0,0005%-дан, кадмийдің 0,002%-дан немесе қорғасынның 0,004%-дан астамы болса.
2. Барлық батареялар/аккумуляторлар қалалық қалдықтар ағынынан бөлек, үкімет немесе жергілікті билік тағайындаған арнайы жинау орындары арқылы жойылуы керек.
3. Ескі батареяларыңызды/аккумуляторларыңызды дұрыс жою қоршаған ортаға, жануарлар мен адам денсаулығына ықтимал жағымсыз әсерлердің алдын алуға көмектеседі.
4. Ескі батареяларыңызды/аккумуляторларыңызды жою туралы толығырақ ақпарат алу үшін қалалық кеңсеңізге, қалдықтарды жою қызметіне немесе өнімді сатып алған дүкенге хабарласыңыз. (http://www.lg.com/global/sustainability/environment/take-back-recycling/global-network-europe)

Маңызды қауіпсіздік ақпараты

Есту қабілетінің зақымдалуын болдырмау

Құлаққапты жоғары дыбыс деңгейінде пайдалансаңыз, есту қабілетінен айырылып қалуыңыз мүмкін. Дыбыс деңгейін қауіпсіз деңгейге қойыңыз. Уақыт өте келе сіз қалыпты болып көрінуі мүмкін, бірақ есту қабілетіңізге зиян келтіруі мүмкін жоғары дыбыс деңгейіне бейімделе аласыз.

Егер құлағыңызда шыңылдау пайда болса немесе сөйлеуіңіз бұлыңғыр болса, тыңдауды тоқтатып, есту қабілетіңізді тексертіңіз. Дыбыс неғұрлым қатты болса, есту қабілетіңізге әсер етуі үшін соғұрлым аз уақыт қажет.

Есту қабілетінің мамандары есту қабілетіңізді қорғау үшін келесілерді ұсынады:

• Құлаққапты жоғары дыбыс деңгейінде пайдалану уақытын шектеңіз.
• Шулы ортаны жабу үшін дыбыс деңгейін көтеруден аулақ болыңыз.
• Жаныңызда сөйлеп жатқан адамдарды ести алмасаңыз, дыбыс деңгейін төмендетіңіз.

Құрылғыдағы тыңдау деңгейлерін реттеу туралы қосымша ақпарат алу үшін құрылғының пайдаланушы нұсқаулығын қараңыз.

Құлаққаптарды қауіпсіз пайдалану

Көлік жүргізу кезінде музыка тыңдау үшін құлаққапты пайдалану ұсынылмайды және кейбір аймақтарда заңсыз болып табылады. Көлік жүргізу кезінде абай болыңыз және мұқият болыңыз. Егер сіз оны кез келген көлік түрін басқару немесе толық назар аударуды қажет ететін кез келген басқа әрекетті орындау кезінде бұзатын немесе алаңдататын болсаңыз, бұл құрылғыны пайдалануды тоқтатыңыз.

Ашық бастапқы кодты бағдарламалық жасақтама туралы ескертпе ақпараты

Осы өнімде қамтылған GPL, LGPL, MPL және басқа да ашық бастапқы кодты лицензиялары бойынша бастапқы кодты алу үшін http://opensource.lge.com сайтына кіріңіз.

Бастапқы кодтан басқа, барлық сілтеме жасалған лицензия шарттары, кепілдіктен бас тартулар және авторлық құқық туралы ескертпелер жүктеп алу үшін қол жетімді.

LG Electronics сонымен қатар opensource@lge.com электрондық поштасына сұрау жібергеннен кейін, осындай таратуды орындау құнын (медиа, жеткізу және өңдеу құны сияқты) жабатын ақыға CD-ROM дискісіндегі ашық бастапқы кодты сізге ұсынады.

Бұл ұсыныс осы өнімді соңғы жеткізгеннен кейін үш жыл бойы жарамды. Бұл ұсыныс осы ақпаратты алған кез келген адам үшін жарамды.

ҚАУІПТІЛІК ТОБЫ 2
	БҰЛ ӨНІМНЕН УЛЬТРАКүлгін СӘУЛЕ ШЫҒАРЫЛАДЫ. ӘСЕР ЕТУ НӘТИЖЕСІНДЕ КӨЗДІҢ НЕМЕСЕ ТЕРІНІҢ ТІТІРКЕНУІ МҮМКІН. ТИІСТІ ҚОРҒАНЫС ҚҰРАЛДАРЫН ПАЙДАЛАНЫҢЫЗ.
	ЗАРЯДТАУ ҚОРАБЫН НЕМЕСЕ СЫМСЫЗ ЗАРЯДТАУДЫ АШҚАН КЕЗДЕ УЛЬТРАКүлгін ФУНКЦИЯСЫ ЖҰМЫС ІСТЕМЕЙДІ.

Осы өнімнің сәйкестігі үшін байланыс кеңсесі:

LG Electronics Inc.
Еуропалық Одақтағы өкілі, Krijgsman 1, 1186 DM Amstelveen, Нидерланды

Rev 1.0 TK

www.lg.com

Copyright © 2021 LG Electronics Inc. Барлық құқықтар қорғалған